Sitat fra: DBR på tirsdag 05. september 2017, klokken 07:24
Litt uenig i den fredrichb.
Husk at du har undersøkelsesplikt når du kjøper bil. Dette er noe man burde se når man besikter bilen. Dog, tilbudet han har fått er ganske dårlig ja.

Sent fra min SM-G935F via Tapatalk

Det har du rett i, så min påstand om reklamasjon er sjølvsagt med atterhald om at trådstartar har reklamert i tide. Det vil normalt seie innan to månadar etter at han oppdaga, eller burde oppdaga, feilen. Det kjem ikkje fram her om det er gjort. Viss det ikkje er reklamert i tide, er trådstartar avhengig av velvilje frå forhandlar. Og den synest å vere liten..

For meg høyrast dette ut som ein openbar reklamasjon. Har du kjøpt denne frå forhandlar skal du berre forlange at dei enten fjernar reklamen heilt eller omlakkerer bilen. Eventuelt eit betydeleg prisavslag. Å kjøpe ein ny Acenta til totalt 250' er ikkje ein veldig god pris, sjølv om du får med heimeladestasjon. Eg kjøpte nylig fabrikkny Tekna 30 kWh til 249' med vinterdekk og mykje ekstra frå Nissan-forhandlar.

Då er valget tatt, etter å ha lånt begge i to dagar. Inn og ut med barnevogn, barnesete og det som høyrer til. Alle fordelar og ulemper (slik vi ser det) blei vurderte:

BMW i3 Fully Charged 94 ah:
+Køyreglede
+Betre rekkevidde
+Ekstremt oversiktleg og lett å handtere i bygater
+Premium-interiør
+Betre bakseteplass enn forventa

-Lite bagasjerom
-Upraktiske bakdører, svært trang inn- og utlasting av barn i seter. Nesten umulig på trange P-plassar.
-Harde seter
-Pris
-Tvilsomme vintereigenskapar

Nissan Leaf 30 kWt Tekna:
+Plass i baksete, null stress med barneseter
+Større bagasjerom
+Meir komfortabel å køyre
+Pris
+Gode skinnseter og bra stereo på Tekna

-Utdatert og fråkøyrt på design og interiør
-Kjedeleg å køyre samanlikna med i3 (men sprek nok samanlikna med mange fossibilar)
-Hardplast og ein del kjipe detaljar innvendig
-Kunne vore meir rekkevidde
-Stor usikkerheit rundt verditap når ny modell er på trappene

Konklusjon:

Det kokte ned til eit val mellom fornuft og kjensler. Hadde det berre vore meg og sambuaren, hadde vi gått for i3-en, og gledd oss til kvar køyretur. Vi prøvde i det lengste å overtyde oss sjølve om at det med bakdørene berre er ei tilvenningssak, at vi ikkje treng så mykje i bagasjerommet, men det vart til slutt fornufta som sigra.

At Leafen er utdatert er noko biljournalistane er meir opptekne av enn oss som skal ha ein familiefraktar i kvardagen. Bilen er gjennomprøvd, har lite feil og er eit påliteleg framkomstmiddel. Legg vi godviljen til, og held oss unna ECO-knappen, går det også an å ha det gøy med ein slik bil.

Eg trur at det avgjerande argumentet vart rådet frå mange på forumet, og som vi sjølve har erfart som tidlegare elbil-eigarar: Elbil kjøpt som bil #2 ender oftast opp med å bli bil #1. For oss er det uomtvista at ein Leaf eignar seg betre som hovudbil enn ein i3. Sistnemnde ville rett og slett ikkje fungert i kvardagen utan mykje plunder og heft. Med Leaf er det tut og køyr.

I tillegg fekk vi ein pris eg trur er rimeleg bra: 249.000,- inkl: klargjering/levering, rustbehandling, Continental-vinterdekk, Essential-pakke med matter, terskellist og skvettlappar, metallic-lakk. Prisen på innbytte av ein over 10 år gammal fossilbil var også overraskande god.

Forhåpentlegvis vil ikkje vi angre på dette. Vi er spente på verditapet, men har vanskeleg for å sjå at etterspurnaden etter elbilar blir mindre i åra framover.

Takk for god hjelp her på forumet!

Sitat fra: Goggen123 på onsdag 30. august 2017, klokken 09:44
Det er så stor usikkerhet knyttet til restverdiene, at når regnestykket viser så små forskjeller i totale kostnader er det vanskelig å konkludere - en liten bommert på restverdi kan snu opp ned på listen. Så her ville jeg gått for magefølelse og opplevlese ved prøvekjøring.

Einig i det, særleg på Leaf. Det er BMW som set 50% restverdi etter tre år.

Har sjekka totalkostnadane over tre år på leasingkampanje i3 (Maraton), kjøp i3 og kjøp av 30kwh Leaf (Tekna) + 24kwh Leaf Tekna (2014) til 160'. Føresetnaden er 35% eigenkapital på kjøp. Service, rentefrådrag, restlån/restverdi er tatt med i reknestykket. Har rekna inn ca 5000kr i påkost på innlevering av leasingbil. Har satt restverdi 50% på i3, og ca 45% på ny Leaf. 2014-Leafen har eg sett til 80.000 etter tre år.

Kjem då fram til følgjande totalkostnad på tre år:

Leasing i3: 168'
Kjøp i3: 178'
Kjøp Leaf 30kwh: 149'
Kjøp Leaf 24kwh: 96'

Den billigaste Leafen er eg usikker på om klarer dei 10-11 mila sambuaren har t/r jobb. Så med mindre nokon kan avkrefte det, står eg no att med eitt av dei tre øvste alternativa.

Innspel?

Sitat fra: Burger på tirsdag 29. august 2017, klokken 19:55
1 gen leaf til 200k? Ville ikke gitt stort over 100k for en 1 gen nå jeg. Skal jeg ha en så gammel Leaf med det dårligste batteriet så skulle det vært for å kjøre under 30km daglig.

Min 2015 leaf ville jeg på en heldig dag fått 190k for.

Her har du misforstått meg. Eg meinte det må vere smartare å kjøpe enten brukt 24kwh Leaf eller ny 30 kwh Leaf framfor ein 1.gen E-GOLF til drøyt 200 tusen.

Er det ikkje då betre å kjøpe ny Leaf 30kwh til 250', eller ein brukt 24kwh til 150', framfor ein 1.gen e-golf til 200'?

Fortsatt i tenkeboksen, altså. Men har slått frå meg Leaf av eldre årgang. Vil ha forvarming via app, og har meir tru på Nissan Connect enn Carwings.

Har fortsatt tilbod på 257' for ny Leaf.

BMW i3 er på leasingkampanje no (Maraton-edition), og kan også kjøpast for 330'. Men til tross for kampanje med 0,9% rente er leasing dyrt: totalpris 164' på tre år.

Golf kan ikkje leverast før neste år, og er uansett dyr. Ioniq og Ampera er berre å gløyme.

Blir ikkje heilt einig med meg sjølv, her. Leaf er jo det trauste fornuftskjøpet, som har god plass og tilstrekkelig rekkevidde. Men i3 er jo så morsom å køyre, heilt til barnevogna skal inn og ungane inn i barneseter..

Takk for god hjelp, alle saman!

Har tilbod om ein 1-eigars norsk Leaf 2012, 75' km, med alle 12 batteristrekane intakt. Pris: 90.000,-  Godt kjøp?

Det nyanserer biletet litt.

Etter å ha lest gjennom tråden om neste generasjon Leaf, står eg igjen med tre alternativ.

1) Ta bussen nokre månadar og vente pent på 2018 Leaf.
+ Ny, moderne bil, med lang rekkevidde og kraftigare motor. Kanskje også litt betre plass.
- Blir uansett langt dyrare enn å kjøpe dagens Leaf, sjølv med ekstra verditap på den gamle.

2) Slå til og kjøpe utgåande 30kwh Tekna
+Forutsigbart, velprøvd, fornuftig bilhald til ein overkomeleg pris.
- Blir fort gammal når den nye kjem

3) Gjere som ein god sunnmøring: Drite i det nye og kjøpe den (om lag) billigaste norske Leafen på Finn: https://www.finn.no/car/used/ad.html?finnkode=102494435
+Økonomi. Denne kan uansett ikkje tape seg meir enn 100'
-Rekkevidde. Men kan hurtiglade mykje for pengane eg sparer..

Takk for svar. 257' for ny 30kwh er ikkje eit løp og kjøp-tilbod med andre ord..

Gode forum, tittelen seier vel det meste: Skal eg kaste meg på lagertømmingstilbod på Nissan Leaf 30 kwh, vente på den nye Leafen, eller velge ein annan av dei rimelege elbilane? Kort om vårt behov:

Vi er ein familie på fire (to barneseter, to barnevogner) som vil ha ny elbil, men bruke så lite pengar som nødvendig på bil. Det vil seie godt under ein halv mill. totalt. Vi bur i distrikta, og må ha to bilar. Tesla er ikkje alternativ.

Vi har nylig kjøpt ein fossil Renault familiebuss, 2014-modell, som kosta oss ca 175'.
Vi hadde ein Soul 15-modell, som vi solgte med 40' i verditap etter knapt to års bruk. Den bilen er sårt sakna, men barnevogna gjekk ikkje inn bak..

Elbilen blir brukt til: 1) småkøyring lokalt, 2) jobbpendling for sambuar (5 mil ein veg) og 3) jobbkøyring for meg (innan ein radius på 10-15 mil). Vil derfor helst ha 30kwh-batteri, men bilen må ikkje vere ny.

Har lading i garasje med TN-nett, både blått og rødt stikk.

Vi har fått eit tilbod frå Nissan på ein Leaf 30kwh Tekna, til 257' alt inkludert.

Råd og innspel?