Takk for synspunkt!

No har me handla. Av omsyn til at bilen skal inn og ut av Bergen sentrum og at det på ein måte bør vera piggfrie dekk på ein miljøbil, gjer me eit nytt forsøk med piggfrie dekk på e-Golfen - sjølv om våre erfaringar tilseier at piggar er det som dugar best på vestlandsk vinterføre. Sidan det var Nokian som stod på bilen frå før, valde me no å testa det som framstod som det beste alternativet; testvinnaren Continental VikingContact 6.

Etter å ha vore innom fleire dekkforhandlarar for å få tilbod, kom det plutseleg ein massesendt e-post frå Møller Bil med informasjon om at dei hadde "supertilbud på vinterdekk til Volkswagen". Vel, eg må vedgå at eg ikkje hadde store trua på at Møller ville vera konkurransedyktige på pris, men eg valde å senda ein e-post og spørja om pris på Viking Contact. Og jammen kom ikkje Møller opp med lågaste tilbodet. Så no skal e-Golfen til Møller for å få nye dekk i morgon. Det kan vera eit tips til andre som tenkjer på å kjøpa dekk.

For eit par år sidan gjorde me mange forsøk på å finna bur som passa til e-Golfen vår. Me var mellom anna innom eit par dyrebutikkar der drivarane var meir enn middels interesserte i å hjelpa med å finna eit bur som passa. Særleg han eine stod på og tenkte kreativt; kombinasjonen av at han både var hundeeigar, burseljar og godt over snittet bilinteressert sjølv, hjelpte nok godt på innsatsvilja. :-) ... Diverre var konklusjonen at ingen skikkeleg solide bur passa i e-Golfen når me skulle ha bur som var stort nok til ein hund som er noko større enn ein typisk "veskehund". Me har 15 kg hund som skal vera med på tur. Det fanst rett nok eit Hercules-bur (diverre hugsar eg no ikkje modellnamnet) som på sett og vis kunne stå i bagasjerommet dersom me aksepterte at det stod på tvers. Opning av burdøra vart då litt knotete, i tillegg til at inn- og utstiginga for den firbeina passasjeren ikkje vart optimal.

Enn så lenge nyttar me eit bur i hardplast som er tverrstilt, men som har døra på eine langsida. Bikkja er i alle høve nøgd. Døra er av typen som ein vippar oppover. Dermed vert ikkje konflikt med bagasjeromskanten eit problem.

For ei meir solid løysing ser me to alternativ. Det eine er å få spesialbygt eit bur. I så fall har me av fleire fått forståinga av at Trønderburet er av betre kvalitet enn bura frå Aluconsult. Det andre alternativet er å setja inn ei grind. I så fall får vofsen heile bagasjerommet til rådvelde, og det er kanskje litt vel mykje plass for ein hund å boltra seg på under køyring. Grinder meiner eg å ha sett at Møller sel originale til Golf.

Etter to år vil me ha nye vinterdekk på e-Golfen (2016-modell levert ut frå forhandlaren i slutten av september 2015). Dei dekka som følgde med bilen frå forhandlaren, vert rett og slett ikkje opplevde som gode her. Det er piggfrie 15" Nokian som står på. Det skulle vera bra dekk, men erfaringane våre så langt er at bilen sklir meir på glatta enn andre bilar me har hatt. Det gjeld ikkje spesielt ved akselerasjon, men også ved bremsing og svinging. Elmotoren sitt kraftige moment kan difor ikkje vera årsaka. Sjekka forresten DOT-koden, og dekka er berre nokre få månader eldre enn bilen.

Sidan så mange andre gir uttrykk for å vera nøgde med e-Golfane sine på vinterføre, håpar me å kunna få ein betre vinterbil ved å setja på nye dekk. Men så er spørsmålet: Kva bør me gå for? Hadde me ikkje hatt dei to åra med erfaring, ville me i utgangspunktet ha gått for nettopp Nokian.

Bilen går i vestlandsklima. Og sidan bilen nesten dagleg skal innom Bergen sentrum, er det nok eit gode å unngå piggdekk...

Me er plaga med det same; i snøver er det blinking og piping i eitt sett. Og det er irriterande, for me veit av erfaring at VW kan betre. Det er ikkje eit problem på Passaten, og det var heller ikkje problem på den fossil-Golfen me hadde tidlegare.

Har e-Golf med varmepumpe. Bilen har ikkje fuska, og varmepumpa fungerer fint. Har starta fint i -10.

Jepp. Som det står i siste innlegg; folk skriv helst når det er noko som ikkje fungerer som det skal. Her på forumet finst det til og med ein eigen tråd som omhandlar alle feil folk opplever på e-Golfane sine. Den tråden er nyttig, men gir eit litt feil inntrykk av den generelle kvaliteten på bilane.

Vår e-Golf vart henta ut frå forhandlaren 30. september. Bilen har gått godt over 5.000 km til no, og status er null feil. :-)

Sitat fra: hstad på torsdag 10. desember 2015, klokken 12:12
reg 3 og B tenner bremselys uansett, så det varselet får de bak.

Har inntrykk av at det kun er ved kraftig nedbremsing at bremselyset vert tent. Som fleire er inne på, er det mogeleg å køyra bilen konstant i B, og då kan neppe bremselyset vera konstant tent. Nokon som veit kva som skal til for at bremselyset skal verta tent?

Einig med dei som svergar til høgre side. Der er uret til minst sjenanse. :-) Kanskje difor Møller har det som standard-plassering? Og eg vil heller ha fastmontert ur enn eit ur som eg må henta ut frå hanskerommet når eg ein sjeldan gong treng det. Ligg uret i hanskerommet, er det for stor sjanse for at eg gløymer å ta det ut - og dermed risiko for bot. Og så har eg nok av andre ting eg treng plassen i hanskerommet til. :-)

Trur det kan vera litt avhengig av kva server de er på. Har 2016-modell e-Golf, og då me henta ut bilen i slutten av september, sa forhandlaren at 2016-modellane var på ein ny og meir stabil server. Me hadde bittelitt ugreie i med ustabil app heilt i starten, men så har alt berre vore fryd og gammen. :-)

Roddric og AppleKnocker: No er det ikkje berre 2.0-literen som har fått litt ekstra programmering. Det er ein del 1.6-motorar som også er omfatta.

Me har hatt vår første elbil i eit par veker. Namnet på bilen var det madammen som sette: Elfri.

Eg har kome til at namnet slett ikkje er dumt. Dei første to bokstavane seier seg sjølv. Dei tre siste kan gi ulike assosiasjonar og brukast i ulike meiningar, som t.d. fri frå farlege utslepp, fridomen som ein bil gir ein i kvardagen, fri frå motorstøy, fritid i god bil, osv. ... :-)