Hei!

Eg er ein student som vurderer å kjøpa elbil for å pendla til Ås. I tillegg er det praktisk å ha bil for å køyra til familie i Fredrikstad, Bærum og Trysil, samt IKEA-handling, jobb etc. Likevel: studentar har ikkje allverdas pengar, og det er hovudgrunnen til at eg vurderer elbil og ikkje noko anna. Bompengar er kanskje den viktigaste grunnen, men bensin er óg dyrt og eg vil gjerne kunne leva så miljøvennleg som mogleg trass i at eg farter mykje rundt i Oslo-området.

Eg tenker slik at eg enten må kjøpa ein ikkje så dyr bruktbil som kan halda nokre år og som kan ta meg ut til Ås og heim (iallfall). Men det hadde óg kanskje vore ein idé å investera litt i ein bil som eg eventuelt kan selga vidare om nokre år. Til å vera student har eg ein grei økonomi, og bilen vil bli godt brukt. Likevel er eg veldig redd for å brenna meg på feil val eller at bilen skal bli håplaus etter nokre år pga. batteriet. Difor har eg gjerne lyst på litt anbefalingar frå dykk, ettersom eg sjølv ikkje har særlig peil på bil.

Viktig:
- Kan ta meg eit lite stykke (40km+, gjerne eit godt stykke lengre)
- Funker bra på motorveg
- Økonomisk smart val (max 200k, helst mykje mindre)
- Lett å lada på ladestasjon i gata og på NMBU
- Viss bilen er dyr: noko som kan selgast til ein grei penge om nokre år

Ikkje viktig:
- Plass i bilen (men må vera to seter, helst meir)
- Fancy merke og slikt
- Duppedittar (ryggesensor og slikt)

Kor mykje må ein forventa i månadskostnader på ein elbil?
Korleis blir det å investera i ein elbil (max 200,000) om eg vil selga om 2-5 år?
Er det nokon av dei billegare elbilane å anbefala som har ei rekkevidde på det eg treng?

Andre tankar blir óg tatt veldig godt imot!