Eg har hatt min i-Miev sidan mai og den er veldig sjarmerande å kjøra i sommarhalvåret. Men om vinteren er det ei utfordring. Eg er avhengig av å kjøra kring 10 mil i strekk, inkludert undersjøisk tunnel, og prøver å ikkje vera ei sinke i trafikken - då er det ikkje mogleg å bruka varmeapparat. Det blir frykteleg kaldt, til tider ned mot null grader inne i bilen. Viktig å bruka ull, gode vintersko, varme skjerf, hanskar, pledd over knærne og gjerne eit pledd inn mot bildøra. Bruker kupevarmar i forkant av kjøringa, men det blir fort kaldt etterpå.
Det doggar veldig mykje på frontruta, har kjøpt ein langskafta doggmopp for å klara å nå over ruta. I tillegg har me montert ei lita vifte nær frontruta, som går på eige bilbatteri (står bak passasjersetet).